Sangka kompanya sa Chile ro aksidenteng napasuweldo ro anang empleyado it sobra-sobra sa nagakadapat kara nga swelduhon.
Nagkasaea nga pasuwelduhan it processed meat company nga Consorcio Industrial de Alimentos ro sambilog sa andang empleyado it 165,398,851 Chilean pesos ukon katumbas it 10 million pesos imbis nga 500,000 Chilean pesos ukon 30,000 pesos eamang.
Base sa report, natabu ro pagkasaea ko May 30, 2022.
Gin report it office assistant it kumpanya sa andang deputy manager ro error sa pagpasuweldo.
Nakumpirma it manager nga 286 beses ro kabahoe it naitau nga suweldo rason nga insigidang gintawagan ro empleyado.
Nagpromisa man ro empleyado nga igabalik nana ro kwarta sa masunod nga adlaw.
Apang pag abot it Hunyo 2, 2022, nag-resign eon sa kompanya ro empleyado ag ginpadaea kara ro anang resignation letter pinaagi eamang sa sangka law firm.
Sa makaron hay eubusan eon nga nagpanago ag nagsaylo it ilistaran ro empleyado rason nga nagpasaka eon it kasong embezzlement ro kompanyang Consorcio Industrial de Alimentos.
