-- ADVERTISEMENT --
Ginpagguwa eon it Department of Budget and Management (DBM) ro P6.2 bilyon nga ayuda para sa mga apektado it sigidas nga pagtaas it presyo it langis sa nasyon.
Suno sa DBM nga ro nasambit nga haega hay gintao eon sa Department of Social Welfare and Development (DSWD).
Base sa listahan it DSWD nga igapanupod raya sa an-om nga milyong benepisyaryo kung siin ap-at nga milyon sa mga raya hay mga benepisaryo it “Pantawid Pamilyang Pilipino Program” samtang ro nabilin nga daywang milyon hay mga social pensioners ukon senior citizens.
Dugang pa it DBM nga ro mga benepisaryo hay magabaton it P500 kada buean nga magabuhay it hasta an-om nga buean.
