Mabahoe nga hangkat kay President Ferdinand Marcos Jr. ro owa it pundo nga pagpang-bully it China sa West Philippine Sea (WPS).
Haeos kada buean hay may gina-obra nga pagpamaeag ro China Coast Guard sa mga Pilipinong naga-eayag sa WPS.
Owa eon it ginakilaea ro China ag maskin sa teritoryong gindag-an it Pilipinas ko 2016 sa Arbitrary ruling it International Court hay andang ginabalewala.
Ko nagtaliwan nga domingo, uman nga nagpang bully ro China kat sundan it andang coast guard ro baroto it mga soldadong Pinoy nga magadaea it supply sa tropa sa Ayungin Shoal nga naka-stationed sa nakasadsad nga BRP Sierra Madre.
Gin-eagas it Chinese Coast Guard (CCG) ro baroto it mga Pinoy ag gintawagan sa radio nga maghalin sa andang nasakupan.
Ginapabo-oe man nanda ro ginatuktok eon nga BRP Sierra Madre apang nagpadayun sa gihapon ro mga Pinoy hasta nga maka-abot sa gindagsaan it barko.
Nagmadinaeag-on nga madaea ro supply ag nakaangkon it troop rotation.
Bukon it raya ro unang kahigayunan nga gin bully it china ro mga Pinoy.
Mabahoe nga hangkat kay President Marcos Jr. ro bagina sa west Philippine sea.
Dapat nga solusyunan ro problema agud nga bukon it sa tanan nga oras nga hilway nga makapang bully ro china .
