PHILSYS registration sa mga maeayo nga lugar sa nasyon, ginpabaskog pa it PSA

Ginpabaskog pa it Philippine Statistics Authority (PSA) ro registration it Philippine Indentification System sa mga maeayo nga lugar sa nasyon.

Kaibahan sa mga lugar nga gin-adtunan it PSA hay ro mga maeayo nga lugar sa Peñablanca, Cagayan nga may kapin sa 35, 945 indigenous peoples nga naga-istar.

Ginpabaskog man ro mobile registration it National ID sa maabu nga munisipalidad sa Maguindanao kaeakip ro South Upi, Upi, Datu Unsay, Datu Hoffer, Shariff Aguak, Datu Anggal Midtimbang, Talayan ag Talitay.

Hasta Hunyo 17, naga-abot eon sa 68.3 milyong Pilipino ro nakatapos sa Step 2 registration it PhilSys.

Target man it PSA nga ipasaka raya sa 92 milyong Pilipinong makaparehistro sa pagtapos it 2022.