Desidido si Justice Secretary Jesus Crispin Remulla nga pagapanabaton ro mga sa likod it kwestyonableng pagkamatay it mga preso nga ginasugid bangud sa COVID-19 infections sa New Bilibid Prison (NBP) sa Muntinlupa City.
Kasunod kara, nakigpueong ro Justice Secretary sa bag-ong Officer-in-charge it NBI Medardo De Lemos matapos nga magdihon ro NBI sa DOJ it sangka murder complaint kontra sa pilang tawohan it Philippine National Police nga naeakot sigon sa pagkamatay it mga high-profile inmates.
Suno sa abogado it Office of the Secretary of Justice nga si Atty. Jose Dominic Clavano, gusto it Justice Secretary nga ivalidate anay ro mga iprinisentang facts apang gusto kara nga maid-id nga tutukan ro nasambit nga insidente.
Nauna eon kara ro pagpaguwa ni NBI Deputy Director Ferdinand Lavin nga kapin sa 22 tawohan it PNP-National Capital Region Police Office (PNP-NCRPO) ro ginpangaeanan bilang respondets sa murder complaint.
Kung siin tanan nga mga respondets nga nakadestino sa New Bilibid Prison tag namatay ro mga high profile inmates hay ginpaidaeoman it 8 counts of murder.
Madumduman nga umpisa ku nagtaliwan nga buean it Mayo asta Hulyo dag-ong 2020, kapin sa siyam nga high profile inmates sa Bilibid ro namatay bangud sa covid19.
