KALIBO, Aklan–Napilitan nga magpataas sa presyo it mga tinapay partikular sa presyo it pandesal ro mga panaderya sa banwa it Kalibo kasunod it pagtaas man sa presyo it harina.
Suno kay Imie Dela Cruz, sangka tindera it bakery sa banwa it Kalibo nga bukon eang it harina ro may pagtaas it presyo kundi pati eon man ro mga nagapanguna nga raw materials kapareho it asukal, ag margarine.
Nagpatuman sigon sanda it kapin sa 1 asta 2 pesos nga pagtaas it presyo sa pandesal nga kung siin ro dating dos pesos hay ga abot eon sigon sa makaron sa kapin 4 pesos kada sambilog ukon limang bilog 20 pesos.
Indi eon sigon mangawa ro mga konsumidor sa pagtaas it presyo it tinapay bangud kaeabanan sigon sa makaron nga mga ingredyente hay nagatinaas ro presyo rason nga owa man sanda it mahimu kundi mag-adjust man sa presyo it andang baligya.
Samtang, sambilog man sa rason it pagtaas sa presyo it harina ag asukal hay bangud man sa padayon nga pagnaba it baeaylohan it piso kontra dolyar.
