Ginpabay-an eon it Commission on Higher Education (CHED) ro pagdesisyon angot sa kung ibalik ro full face to face classes.
Raya ro naging pahayag ni CHED Chairperson Prospero De Vera III kasunod sa naging pahayag it Department of Education (DepEd) nga indi eon pagpagasugtan ro pagpatuman it distance ag blended learning sa mga skwelahan sa elementarya ag sekondarya umpisa sa Nobiyembre tuyo kara nga igabalik ro 100% face to face classes sa nasyon sa tunga it pandemiya.
Ginpaathag ni De Vera nga indi mag-isyu ro komisyon it blanket policy bangud may pila sigon nga degree programs nga kinahangean magpatigayon it masami nga face to face instruction eabi eon gid sa skills-based programs samtang ro ibang mga programa hay posibleng igaturo pamaagi sa flexible learning.
Sa pihak kara, nagaeaum man ro CHED official nga maka-angkon it significant shift it in-person classes sa higher education sa pagsueod academis school year.
Bangud nagapati raya nga indi pa masarangan sa makaron ro face to face classes para sa tanan nga degree program.
Samtang dugang pa ni De Vera nga ro flexible learning hay posibleng maging kaparte it new normal para sa higher education institutions sa mga masunod nga dag-on.
