Kinahangean nga balansehon ro kinahangeanon it mga empleyado ag kinahangeanon man it mga nagapanag-iya it kompanya.
Raya ro sabat ni Department of Labor and Employment (DOLE) Secretary Bienvenido Laguesma sa atubang it panawagan nga pataasan ro swerldo bangud sa padayun nga paghina it piso kontra dolyar.
Suno sa sekretaryo nga owa nagakabagay nga kon nagataas ro presyo it mga baeak-eon hay dapat nga dugangan man ro sweldo.
Ginatun-an sigon raya it Regional Tripartite Wages and Productivity Board nga una sa supervision it National Wages Productivity Commission kun sa siin chairman mismo ro DOLE secretary.
Bangud kara, ginpahayag ni Secretary Laguesma nga may mga gina-obra eon nga tikang ro gobyerno agud nga makabulig sa mga Pilipino eabi eon ro pagtau it non-wages benefits kapareho it libreng sakay sa mga commuters ag subsidiya sa mga public transport.
Ginpamilit it sekretaryo nga owa nanda ginabalewala ro hinyu nga dugang nga sweldo ag ro importante sa makaron hay may steady nga trabaho .
