Nagpaguwa it eco-tips ro sangka environmental group nga Ecowaste Coalition agud nga malikawan ro naga-grabeng numero it mga ginatamaan it dengue.
Raya hay kasunod it ginpaguwa nga report it Department of Health (DOH) kun sa siin , nag-abot eon sa 52,000 ro kabilugang numero it dengue cases umpisa ko Enero hasta Hunyo 18 nga mas mataas it 58% kumpara sa haeos 33,000 nga kaso nga nailista sa kaparehong tiempo ko 2021.
Suno sa grupo, mabahoe nga bulig ro maayos nga paghimos sa mga basura ukon ro pagpabilin it biodegradable ag non-biodegradable.
I-check ukon tan-awon ag takpan ro mga naka-tambak nga tubi sa sueod ag guwa it baeay kaibahan eon ro mga drum, balde, ag tangke nga pwedeng pamugaran it namok.
Ipabilin man nga malimpyo ro mga sagilong ag pilang debris nga posibleng tipunan it tubi kon naga-uean.
Samtang, nagpadumdum man sa publiko ro DOH nga sundon ro 4s strategy it gobyerno kontra sa dengue: ro search and destroy para sa breeding places it mga namok; secure self-protection kapareho it pagsuksok it long pants ag long-sleeves; seek early consultation; ag suporta sa fogging ag spraying sa mga hotspot areas.
