Sangka eaeaki halin sa Wisconsin nga may tumaeagsahon nga pamaniton ro nahimo nga mapadukot ro napueo nga lata sa anang ueo rason nga nakabaton it titulo sa Guinness World Record.
Si Jamie Keeton, nga mas kilaea man sa tawag nga “Canhead,” ukon “Canpa” sa anang mga apo hay nauna eon nga nakahimo it record para sa maabu nga numero it mga “drink cans” nga ginbutang sa anang gin-kalbo nga ueo gamit ro air suction ko 2016 matapos nga ginpapilit ro waeo nga lata sa anang ueo nga nagbuhay it kapin sa 5 seconds.
Apang ro record ni Keeton hay naagaw it sangka Hapon nga nahimo nga mapapilit ro siyam nga lata sa anang ueo ko 2019 rason nga gintinguhaan ni Keeton nga uman nga mabawi ro titulo makaron nga dag-on pinaagi sa napueo nga lata.
Nasayuran nga si Keeton hay may medical condition kun sa siin ro annag skin pores hay makasarang nga magsuyop it oxygen.
Mag-eowas nga nataw-an it kahigayunan nga maka-agto sa nagkaeain-eain nga lugar, naging pangabuhian man ni Keeton ro anang kundisyon matapos nga pilang kompaniya ro naga-imbita kana para sa pilang mga events.
Feeling pa sigon nana hay naging instant celebrity imaw matapos nga maskin ro pilang mga sikat nga personalidad hay nagapa-picture kana.
