Enchong Dee, aminadong naapektuhan it pagtaas it inflation sa nasyon

Aminado ro aktor nga si Enchong Dee nga maskin imaw hay apektado eon it pagtaas it lebel it inflation sa nasyon.

Sa Instagram post ni Enchong, ginpahayag kara nga halin kat mag-umpisa ro paghugut it restriksiyon sa Pilipinas tuga it pandemya, nagkantigo imaw nga ibudget ro anang kwarta  pag-abot sa mga baeak-eon.

Suno sa aktor, mas nababakae nana ro tanan nga mga kinahang-ean sa baeay bangud sa anang pagtipid ag pagplano it mga dapat ukon kinahang-ean bak-eon.

Gin-insister pa ni Enchong nga ro “budgetarian moves” hay mabahoe nga bulig sa pagpaugan it inflation nga na-eksperyensyahan makaron sa bilog nga nasyon maskin sa ibang parte it kalibutan.