KALIBO, Aklan — Nagpositibo sa drug test ro naarestong nagabaligya it droga sa ginpatigayon nga drug buy bust operation sa Roxas Avenue Extension, Brgy. Andagao, Kalibo, adlaw it Martes, Oktubre 13, 2026.
Nakilaea ro suspek nga si alyas Panie, 25 anyos ag residente it nasambit nga lugar.
Nauna eon nga ginpaidaeum sa inquest proceedings ro nasambit nga suspek sa kasong pag-eabag sa Republic Act 9165 ukon Comprehensive Dangerous Drugs Act of 2002.
Madumduman nga nabak-ean ro suspek it sangka sachet it suspected shabu nga nagabalor it P3,100.
Sa ginpatigayon nga body search, nabo-oe kana ro dugang nga sangka sachet it suspected illegal drugs ag sangka cellphone nga ginagamit sa anang transaksyon.
Ro operasyon hay ginpatigayon it Provincial Drug Enforcement Unit (PDEU) it Aklan Police Provincial Office matapos ro kapin sa daywang buean nga pagmonitor sa anang aktibidad.
