Rollback sa presyo it produktong petrolyo, epektibo eon

KALIBO, Aklan–Epektibo eon umpisa makaron nga adlaw ro ikatlong sunod nga dominggo it bawas-presyo sa produktong petrolyo.

Suno kay Bong Habalero, Manager it CBTMPC nga ginakalipay nanda ro uman nga pag-rollback sa presyo it langis.

Ro pilang piso sigon nga bawas sa presyo it petrolyo hay makadugang sa andang adlaw-adlaw nga kita.

Aminado si Habalero nga masyadong naapektuhan ro andang pagbiyahe bangud sa na-eksperyensyahan nga sunos-sunod nga pagtinaas sa presyo it diesel ko mga nagtaliwan nga buean.

Nagaeaum sigon sanda nga magpadayun eon ro pagnaba sa presyo it petrolyo agud nga magkita man sanda it bastante sa sueod it sang adlaw nga pagpasada.