Nagpadumdum ro Red Cross sa publiko sa makaron nga panyempo it tig-ueuean nga likawan ro pag-eusong sa baha it owa it suksuk nga proteksyon eabi eon gid kung may may open wounds bangud sa posibleng daeang paeag it leptospirosis.
Sa ginpaguwa nga advisory it Red Cross, matapos ro serye it pag-inuean sa nagtaliwan nga inadlaw, maabu nga mga lugar ro ginbaha.
Suno sa Philippine Red Cross, ro leptospirosis hay daea it Leptospira bacteria, nga nabubuoe maghalin sa tubi nga kontaminado it ihi it daga.
Kung siin posibleng makasueod sa eawas ro nasambit nga bacteria pamaagi sa mata, ilong, bibig ag eabaw sa tanan hay sa mga open wounds engkaso nga na-exposed sa kontaminadong tubi baha, pagkaon, ieimnom ukon iba pang bagay.
Pagpadumdum pa it Red Cross nga engkaso nakitaan it sintomas it leptospirosis kapareho it mataas nga eagnat, pagmamuea it mata, pagpaeanakit it tiyan, diarrhea ag pagpaeanuka hay insigidas nga magpakonusulta sa doktor.
