Sangka eaeaki sa Florida ro nakabaton it Guinness World Record title nga “Fastest time to arrange a deck of playing cards memorized underwater”!
Ginakabig nga Grandmaster of Memory si Nelson Dellis bangud sa anang kamayad sa pag-memorize.
Ordinaryo eon kay Dellis nga magkabisado it mga pangaean, numero ag baraha sa sueod eamang it pilang segundo.
Agud nga pamatud-an ro anang kamayad sa pag-memorya, ginbaton nana ro hangkat it Guinness World Records nga mag-memorize it mga shuffled nga baraha samtang sa idaeum it swimming pool.
Pagkatapos raya nga memoryahon, kinahangean nana nga magtakas sa swimming pool ag ayuson ro ikaywang deck it baraha sa kun paalin ro pagkapasunod it unang deck nga sa idaeum it pool.
Natapos ni Dellis ro anang world record attempt sa sueod it 2 minutes and 22.53 seconds.
Ginpierde nana ro previous record ko 2019 nga 3 minutes and 42.5 seconds.
Suno kay Dellis, ro pinakamabudlay nana nga record attempt hay ro pagpugong sa anang pagginhawa samtang sa idaeum it swimming pool.
