KALIBO, Aklan–Ginaeauman ni Christine Hope Pagsuguiron, Sangguniang Kabataan chairperson it barangay Caticlan, Malay ag Aklan SK federation vice president nga matalakay sa kauna-unahan nga State of the Nation Address ukon SONA ni President Ferdinand “Bongbong” Marcos Jr. sa Lunes, Hulyo 25 ro may kaangtanan sa mga plano kara sa sektor it edukasyon, oil price hike ag employment.
Suno kana nga gusto nana nga masayuran ro mga plano it gobyerno angot sa nagahilapit nga pagpatigayon it 100% nga face to face classes, pagtau it trabaho sa mga jobless nga pamatan-on eabi eon sa nakatambay nga mga college graduate ag stratehiya agud mapahagan-hagan ro sitwasyon sa nasyon sa tunga it COVID-19 pandemic ag nagataas nga presyo it langis nga nagresulta sa pagtaas man it presyo it mga nagapangunang baeak-eon.
