Indi magsuksok it Filipiniana dress si Vice President ag Education Sec. Sara Duterte sa anang pagtambong sa unang State of the Nation Address ukon SONA ni Pangueong Ferdinand Marcos Jr. sa Lunes.
Suno kay Atty. Reynold Munsayac, tagapaghambae it pangaywang pangueo, sa pihak hay igasuksok kara ro tradisyunal nga eambong nga himu it tribung Bagobo Tagbawa it Davao City.
Suno pa kay Munsayac nga indi eon makaabot sa SONA kung magapaubra pa ro pangaywang pangueo it nasambit nga gown bangud paga-abuton pa ra it binuean antes nga matapos it ubra.
Kung siin ginpakamayad ni VP Sara nga manghueam eon lang it katutubong sueuksukon sa Deputy Mayor it tribung Tagbawa nga si Bae Sheirelle Anino.
Samtang, ginhimu it pangaywang pangueo ro nasambit nga tikang bilang pagtao it pagtamyaw sa nasambit tribu nga ginkabig nga pangkat etniko it anang sinilangang.
