Gindihon sa Senado ro sangka resolution nga naga-engganyo sa Department of Justice (DOJ) nga i-withdraw ro mga nabilin nga drug charges kontra kay dating Senador Leila de Lima ag pagahilwayon eon ro Senadora maghalin sa kulungan.
Pareho nga ginpirmahan ag gindihon nanday Minority Senators Koko Pimentel ag Risa Hontiveros ro Resolution No. 27 kasunod it naging recantations it pilang testigo sa ginpasaka nga drug cases kay de lima.
Gin-amin man ni Senator Hontiveros nga sambilog pang Senadora maghalin sa supermajority bloc nga co-author sa andang gindihon nga resolution ro pumabor.
Ginpahayag it daywang Senador nga ro padayon nga pagkulong kay de Lima hay sambilog sa makabig nga grossest injustices nga na-eksperyensyahan sigon it sangka sitting Senator.
Pamatuod eamang ro recantations it mga primary witnesses kontra kay De lima nga nagpabaskog sa claim it dating senador nga inosente raya sa mga ginahaboy nga akusasyon kontra kana.
Samtang, gin-insister man nanday Hontiveros ag Pimentel nga kinahangean nga seryosong ikonsidera it DOJ nga ginapangunahan ni Secretary Jesus Crispin Remulla ro nasambit nga mga recantations para maipakita nga ro institutional integrity it ahensiya hay nagapanindugan para sa kamatuoran, hustisiya ag rule of law.
