Nakipagpueong si Pangueong Ferdinand “Bongbong” Marcos Jr. sa mga nagapangunang opisyal it Gabinete ag gintalakay ro imbestigasyon nga gina-insister it International Criminal Court (ICC) sa mga gin-alegar nga krimen nga ginhimo sa operasyon it ilegal nga droga it nagtaliwan nga administrasyon.
Apang, nagpamalibad si Solicitor General Menardo Guevarra nga magtao it mga detalye.
Suno kana, ro agenda hay ro posisyon it gobyerno sa imbestigasyon it ICC ag igatugyan eon lang nana kay Pangueong Marcos ro pagplastar sa publiko it andang naistoryahan.
Nasayuran nga nagtambong sa nasambit nga pueong sanday Executive Secretary Victor Rodriguez, Foreign Affairs Secretary Enrique Manalo, Justice Secretary Jesus Crispin Remulla ag Presidential Legal Counsel Juan Ponce Enrile.
