Mga biktima it 7.0 magnitude nga linog, makabaton it P10,000 cash aids – DSWD

Gin-anunsyo it Department of Social Welfare and Development (DSWD) nga posibleng makabaton it hasta P10,000 cash assistance halin sa gobyerno ro mga biktima it mabaskog nga linog sa Abra.

Ginpahayag ni DSWD Assistant Secretary Rommel Lopez nga nakapagguwa eon raya it paunang P10 milyon para sa mga biktima it magnitude 7.0 nga pag-uyog sa Abra ag pilang parte it Luzon ko Miyerkules it agahon.

Ginapasigurado sigon ni Social Welfare Secretary Erwin Tulfo nga preparado eon ro mga pang-ayuda sa mga biktima.

Dugang pa ni Lopez nga iga-assess it mga social welfare officer ro mga beneficiaries sa cash aid ag ginpasiguro nga mataw-an tanan it ayuda.