Na-turnover eon sa Bureau of Jail Management and Penology ukon BJMP Custodial Facility sa Payatas maghalin sa Quezon City Centralized Custodial Facility si Chao Tiao Yumol, ro suspek sa pagpatay sa dating mayor it Lamitan City, sangka aide ag sangka guwardya sa Ateneo de Manila University ko nagtaliwan nga Dominggo.
Una kara hay nagpaidaeom si Yumol sa X-ray ag physical examination.//Ginpahayag man it PNP nga nakataeana sa masunod nga Dominggo ro arraignment ni Yumol para sa mga kasong 3 counts it murder, frustrated murder, carnapping, ag malicious mischief.
Samtang, gin-eubong eon ro ama ni Dr Chao, ro 69-anyos nga si Rolando Yumol, ko nagtaliwan nga Biyernes it hapon matapos rayang barilon it daywang owa pa nakilaeang suspek.
Ginhatod it mga amego ag kakilaea sa anang ulihing paeahuwayan ro bangkay ni Rolando sa bakanteng lote nga ginapanig-iyahan man it pamilya sa Lamitan City.
Sa pihak nga parte, owa it maskin sambilog nga kapamilya ro nakaagto sa nasambit nga eubong bangud sa kahadlok sigon sa natabo nga pagpamatay.
