-- ADVERTISEMENT --
Nagpahayag it kahauman ro World Health Organization (WHO) nga magtao it bulig sa Pilipinas sa pakigsukoe kara sa monkeypox virus.
Suno sa opisyal it WHO Philippines- in-Charge nga si Dr. Graham Harrison nga kapareho it ginapatigayon nanda sa tanan nga pagkalhit it virus, ro WHO hay padayon nga nagapakigbueuligan sa DOH (Department of Health) para magtao it teknikal nga laygay para suportahan ro pagbilog ag pagpatuman it mga pangbansang sueundanan, estratehiya, ag plano.
Ginpahayag man ni Harrison ro kahauman it DOH sa pagtapna it monkeypox.
Samtang, gin-engganyo man it opisyal it WHO ro publiko nga magpabilin nga nakabantay kasunod it unang kumpirmado nga kaso it monkeypox sa Pilipinas.
