KALIBO, Aklan—Nagakasubo makaron ro bilog nga pamilya ni former President Fidel V. Ramos kasunod it anang pagkamatay kahapon, Hulyo 31.
Suno kay Ranjit Shahani, dating Congressman it 6th district it Pangasinan ag gumankon it dating pangueo nga ginkakibot nanda ro gulpiyadang pagtaliwan it anang tiyo sa Makati Medical Center bangud sa komplikasyon sa COVID-19.
Nagpaabot man it pagpasaeamat si Shahani sa tanan nga mga nagpaabot it pakikisimpatiya sa andang pamilya.
Sa makaron hay owa pa it petsa it eubong kung siin nakataeana pa nanda raya nga paga-istoryahan.
Si dating Pangueong Fidel V. Ramos hay namatay sa edad nga 94-anyos.
Binawian it hueam nga kinabuhi ro ika-12 nga pangueo it nasyon bangud sa komplikasyon sa Coronavirus disease 2019 (COVID-19).
Si Ramos hay naging presidente it nasyon ko 1992 hasta it 1998.
Nagtapos raya sa U.S. Military Academy sa West Point, N.Y., ag University of Illinois sa U.S.
Nagsueod sa Philippine army ag nagserbi sa Korea ag Vietnam.
Ko 1972 ni President Ferdinand Marcos hay gin-appoint nana si Ramos sa Philippine Constabulary.
Nagpatuman it martial law si Marcos, si Ramos ro responsable sa pagpatuman kara.
Ko 1981 si Ramos hay naging deputy chief of staff it armed forces.
Gin-onga ro dating pangueo ko March 18, 1928 sa Lingayen Pangasinan apang nagbahoe sa Asingan sa nasambit man nga probinsiya.
