Kasunod it natabo nga gulo sa pastrana park sa tunga it mga pamatan-on, sigidas ro paglibot it barangay patrol agud nga sikyaron ro lugar para sa kalinungan it tanan ag masiguro nga inde eon mauman ro nasambit nga eksena.
Suno kay Sangguniang Kabataan chairman Joseph Mathew Sucro it Poblacion, Kalibo nga ginatungahaan man nanda nga mapabilin ro kalinungan sa banwa it Kalibo agud nga maiwasan ro kinagamo sa tunga it mga pamatan-on nga nagapang-edaron it 14 hasta 16 anyos.
Nakilaea eon sigon ro mga imbolbado sa viral video ag nakapaathag eon sanda sa barangay council kaibahan ro andang mga ginikanan.
May kaangtanan kara, nagpanawagan si Sucro sa mga pamatan-on nga dapat erespeto ro kada isaea ag maging ehemplo sa kaparehong pamatan-on.
Inde magpadaea sa soe-soe ag insigidang awaton ro mga naga-init nga istorya kamana man mga huyo-huyo agud nga uwa it gulo ag sakitan nga matabo.
