Padayon eon ro pagbukas it klase sa Agosto 22 makaron nga dag-on.
Raya ro ginpahayag ni DepEd spokesperson Atty Michael Tan Poa sa pihak it panawagan nga pagpaiway it school opening.
Nagpanindugan ro DepEd sa desisyon ngara nga igapadayon ro pagbukas it school year 2022-2023 ag owa eon it atrasan pa.
Una eon nga gin-engganyo it Teacher’s Dignity Coalition ro taeatapan nga ihalin ro petsa it pagbukas it klase para sa masunod nga school year sa katung-anan it buean it Setyembre bangud sigon sa kakueangan nga school break para makapahuway ro mga manugturo maghalin sa nakataliwan nga academic year ag makapahaum para sa masunod nga school year.
Apang suno sa DepEd official maabu eon nga nagpartisipar sa Brigada Eskwela program kung siin ginapahaum it mga stakeholders ag volunteers ro mga skwelahan para sa pasueod nga school year.
Nakipag-angot eon man sigon ro DepEd sa iba pang government agencies para sa school opening kapareho it trade department para ma-regulate ro presyo it school supplies ag maging sa DOH para sa pagbakuna sa mga estudyante ag school personnel kontra sa COVID-19.
Samtang, dugang pa ni Atty Poa nga sa idaeom it Republic Act No. 7797 ginabawaean ro pag-umpisa it school year nga eagpas sa Agosto.
