‘Grease’ star Olivia Newton-John namatay eon sa edad nga  73

Namatay eon ro beteranang singer nga si Olivia Newton- John sa edad nga 73.

Suno sa pamilya kara nga namatay ro singer sa anang baeay sa Southern California bangud sa cancer.

Unang na-diagnosed imaw it may cancer ko 1992 ag ro limang dekadang career kara hay gintaeana nana sa pagbulig sa charity.

Ro British-born ag Australian raised star hay nagpatigayun it mga concerts ag mga albums bilang pamaagi para makabulig sa charities.

Sumikat imaw sa pagiging bida ko 1978 musical nga “Grease” kaibahan ro actor nga si John Travolta.

Nagpaabot man it mga pakikisimpatiya ag pagkasubo ro pilang mga kilaeang singer ag Hollywood actors ag actress sa pagtaliwan it singer.