Nagpanawagan ro barangay council it Tabayon, Banga sa contractor ag natungdan nga ahensiya it gobyerno nga padayunon eon ro construction it left lane it national highway nga andang nasakupan matapos nga ginsudsud ro mga aspalto hay gin-aywan nga nakatiwangwang nga makabig nga takaw-aksidente makaron sa mga motorista.
Suno kay punong barangay roselier nalayog it nasambit nga lugar nga haeos sang buean eon ro nagtaliwan kat gin-aywan ro nasambit nga construction sa indi nanda masayuran nga rason.
Pagkatapos suno kana nga mahuman ro right lane hay owa eon ginpadayun ro anang katunga.
Indi eon suno kana mahuyap ro mga aksidente nga natabu sa andang nasakupan nga mag-eowas sa sitwasyun it karsada hay nagbutang man it mga signages nga indi makita kon gabi-i nga dugang nga peligro sa mga naga-motor.
Ginpahayag dugang nga owa man it may nag-abisu sa andang konseho bangud nga proyekto raya it department of public works and highways ukon DPWH.
Kadungan kara, nagpanawagan man si kapitan nalayog sa mga motorista nga magdahan sa pagmaneho sa pag-agi sa lugar bangud nga makabig raya nga accident prone area .
