Sa kasagsagan it heatwave sa Portland, Oregon may sangka oak tree idtu nga medyu “sumabog” ag naging para agud nga masamad ro mga kaiping nga kable it kuryente.
Suno sa mga taga-Eastmoreland neighborhood, 200 years eon nga nakatindog ro oak tree.
Healthy ag naaalagaan it mayad ro puno apang ko nagtaliwan nga pitong adlaw, nakaexperiensiya ro Portland it masobra sa 35 hasta 40 degrees celcius nga temperatura.
Raya ro naging rason agud nga masamad ro sanga it puno nga may bug-at nga 13,000 kilos.
Suno sa arborist nga nag-usisa sa puno nga si Michael Jolliff, posible eon nga nag-explode ro puno bangud sa grabeng init.
Mag-eowas sa gas buildup, posibleng may thermal changes sa sueod it puno ag sa wood tissues nga naging rason it pagsabog kara.
Owa it naninahan sa insidente ag minimal eamang ro property damage nga nahimo it “exploding tree”.
