Ginbulgar it Department of Public Works and Highways (DPWH) nga ro gobyerno it Japan sa pamaagi it Japan International Cooperation Agency (JICA) hay magatao it suporta sa 13 ka mga big-ticket infrastructure projects sa nasyon.
Ginpahayag ni DPWH Sec. Manuel Bonoan nga kaibahan sa mga proyekto hay ro pagpaeawig it 23-kilometer Arterial Road (Plaridel) Bypass Project Phase 3 sa Bulacan ag ro pagpa-umwad it masobra 1,184-kilometrong arterial roads sa bilog nga nasyon.
Suno kana, ro pagpahayag it suporta hay ginhimo ni Japan Ambassador to the Philippines Kazuhiko Koshikawa sa anang pagbisita sa DPWH.
Ginkilaea ni Bonoan ro gobyerno it Japan bilang pinakamabahoe nga donor it Official Development Assistance (ODA) sa Pilipinas nga may mga grant, loan ag technical assistance nga gintao sa bilog nga nasyon halin ko 1966.
