Owa napunggan it actress nga si Jane de Leon ro maging emosyonal kat balikan ro mga gin-agyan nga kalisod sa anang kabuhi.
Ginpakigbahin ni Jane sa sangka vlog ro mga pagsubok nga anang ginpangatubang sa pag-umpisa nana bilang sangka artista.
Pag-istorya ni Jane, naging maayos ro pagpangabuhi it anang pamilya kato apang nag-umpisa nga magbag-o ro tanan kat maloko sa negosyo ro anang ama it mismong amigo kara.
Namatay ro ama ni Jane haeos an-om nga dag-on eon ro nakataliwan.
Owa man napunggan it actress ro mapaeuha kat ipagkigbahin ro trauma nga natabo sa anang ama.
Sa pakikipag-angot, ginpakigbahin man kara ro kalisod kat mag-umpisa imaw nga magsueod sa showbiz sa grupong GirlTrends.
Nag-umpisa sigon imaw nga makatipon kat maging parte imaw it sangka serye ag maimbitahan sa mga fiesta.
