Naexperiensiyahan eon baea ninyo nga magsid-o ag ginhambae nga ikaw hay nagpinuril ukon kueang sa tubi nga gin-inom.
Kun nabatian eon ninyo ro nasambit nga mga rason it pila, may pagtama nga ginhimo kara ro mga eksperto.
Ginasugid nga ro pirmeng pagsid-o it tawo hay bangud nga owa natunawan ukon posibleng bangud sa napadasig ro pagkaon ag pagtueon kamana man nga bangud sa pagkabusog sa pagkaon, tubi ag hangin.
Pwede man sigon nga raya hay bangud sa stress kun sa siin pirmeng nagaginhawa it madaeum ro tawo butang nga nakatueon raya it maabu nga hangin.
Ginpaathag it mga espesyalista nga bukon man it matuod nga dapat nga kibuton ro sangka ginasid-o agud nga maduea ro pagsid-o pati man ro pagbutang it hilo sa dahi it eapsag ukon pagpahid it eaway.
Ro dapat sigon nga obrahon agud nga malikawan ro pagsid-o hay ro mga masunod: mag-inom it mainit nga tubi agud nga ma-relax ro muscle sa tiyan.
Magdahan-dahan sa pagkaon ag magkaon it madaling matunaw.
Owa man sigon it dapat nga ikabakaea engkaso nga duygon bangud nga maduea man ro sid-o makataliwan ro 15 hasta 30 minutos .
