Pagaeauman ro bigtime oil price hike sa masunod nga domingo, partikular sa diesel nga posibleng umabot it P5 kada litro.
Base sa oil trading sa world market umpisa ko Agosto 22 hasta 25, ginpahayag it oil industry source nga posibleng mag abot sa P5.40 hasta P5.70 ro igasaka sa presyo it kada litro it diesel.
Kapin sa P1.30 hasta P1.60 kada litro ro presyo it gasolina.
Ginkumpirma man ni Department of Energy-Oil Industry Management Bureau Director Rino Abad nga posibleng mag-abot it masobra sa P5 kada litro ro igataas sa presyo it diesel samtang ginaboebanta nga P1 sa kada litro sa gasolina.
Suno kay Abad, kaibahan sa nakaka-apekto sa hueag it presyuhan it krudo sa world market hay ro nagataas nga demand sa petrolyo sa United States ag Europe nga epekto gihapon it giyera sa tunga it Russia ag Ukraine.
Kaeabanan nga gina-anunsyo it mga kumpanya it langis ro price adjustment sa mga produktong petrolyo kada Lunes samtang ginapatuman kara Martes.
