Sangka mag-asawa halin sa Utah ro nakabo-oe it Guinness World Records title para sa andang 2-foot, 9.44-inch nga height difference.
Si Christie Chandler nga nagataas it 5’11” ag Senecca Corsetti nga may heaight nga 3’ feet, 2.29 inches hay naging kauna-unahan nga Guinness World Record holders para sa greatest height differential of a married couple, same sex ukon parehong babaye.
Ro height ni Corsetti hay resulta it diastrophic dysplasia, sangka porma it dwarfism nga naka-apekto sa normal nga development it cartilage ag toe-an.
Suno kay Chandler nga na-inspired imaw nga mag- apply para sa record matapos nga mabasahan ro angot sa world record para sa greatest height differential it married couple nga aplikabli kanda kun sa siin pareho ro andang kasarian.
Nagkakilaea ro daywa samtang nagaturo sa sangka eskwelahan ag nagpakasae ko June 2021.
Suno kana nga sangka joke eamang ro andang gina-isip ko una angot sa plano nga pag apply para sa world-record height difference, apang nasorpresa sanda matapos nga mataw-an it katumanan.
Ginpahayag dugang nga ro andang height difference hay nakaangkon it mas maabu nga bentaha kaysa disbentaha.
Ginaeauman nanda ro andang Guinness World Record hay maka-engganyo sa iba nga batunon ro pagkakaiba it kada indibidwal.
