Nakataeanang magasumite ro Department of Budget and Management (DBM) sa Kongreso it listahan it mga “slow moving departments” ukon mga ahensya it gobyerno nga may manabang “utilization rates.”
Raya hay may kaangtanan sa pagpondo para sa dugang-pensyon it mga pobre nga senior citizens sa nasyon.
Suno kay Ordanes, nagapasaeamat imaw nga matapos ro masobra sang dekada hay magataas eon ro social pension it mga pobreng senior citizen bangud sa pagsabatas it Republic Act 11916.
Apang sandig sa 2023 National Expenditure Program ukon NEP, ginpahayag ni Ordanes nga maga-abot eamang sa P25 billion ro pondo para sa pensyon it mga senior citizen sa masunod nga dag-on.
Kung siin raya hay para eon lang sa P500 kada buean nga pensyon it mga benepisyaryo.
Kinahangean pa sigon it dugang P25 billion para madoble ro pensyon sa P1,000 sa kada benepisyaryo.
Ginpaathag ni Pangandaman,tag mag-lapse bilang laye ro hagna hay nakapahaom eon ro 2023 NEP rason nga owa haeakip ro dugang nga P25 billion para sa taas-pensyon it senior citizens.
Samtang, dugang pa it sekretaryo nga sa mga mamalidha eon kung gusto nandang i-augment maghalin sa mga ahensiya it gobyerno nga may manabang “utilization rates” ro budget para sa nasanbit nga dugang-pension.
