Nasyauran baea ninyo nga ro diabetes hay maeain ag makamaeatay.
Rason nga kon kamo hay may diabetes, pilitong makontrol raya.
Mahimo eamang raya pinaagi sa tamang pagkaon.
Kun ikaw hay may diabetes, buot hambaeon nga 50% it mga selula sa pancreas beta cells nga naga-obra it insulin hay posibleng nasamad eon.
Bangud kara, nagataas ro inyong asukar sa dugo it eampas sa normal nga 105 milligrams per deciliter.
Maglikaw sa mga matam-is ag mga matambok.
Ro mansanas, saging ag peras ro pangdiyeta nga prutas
May mga pasyenteng owa eon nagakaon it humay.
Raya hay bukon it manami .
Sa kabuhayon hay magahina kamo ag maduea-an it energy.
Kinahangean man it atong eawas ro carbohydrates para sa balanseng diyeta.
Ro solusyon hay ro paglimita sa kaabuon it pagkaon .
Sangka platitong suea ukon tinuea nga may 1 cup rice hay okey eon.
