Pabor si Aklan first district board member Nemesio Neron engkaso nga mapaiway it uman ro barangay ag sangguniang kabataan eleksyon nga nakataeana kunta sa Disyembre 5, 2022.
Panindugan kara nga mag-eowas nga magamit ro pondo sa pagrekober it nasyon halin sa pandemya hay mataw-an pa it kahigayunan ro mga presenteng opisyales nga matapos ro andang proyekto ag programa nga ginkomitar sa andang tagsa ka constituent.
Ginpahayag nga ko nagtaliwan nga mga dinag-on hay sa pagsukoe sa pandemya ro naging konsentrasyon it mga raya rason nga naapektuhan man ro andang mga proyekto nga para sa andang barangay.
Sa pihak kara, sa idaeom gihapon kita it pandemya kon siin ro mga local officials hay bukon pa it preparado nga magpailihir.
Dapat taw-an pa it kahigayunan ro mga raya nga matuman ro andang mga ginpromisa sa andang mga constituents.
