Ro separation anxiety ro sambilog sa mga ordinaryong problemang nakita sa unang adlaw it pagbukas it klase.
Raya ro ginpahayag ni Bryan Rey Solano, tagapaghambae it Department of Education ukon DepEd-Malay ag School Head it Nabaoy Elementary School.
Suno kana nga kaeabanan nga naexperiensiyahan ro nasambit nga scenario sa mga kindergarten ag Grade 1 learners.
Raya hay bangud nga pila sa mga raya hay owa naila nga mabueag sa andang mga ginikananan.
Agud nga maresolba ro makarondaya nga mga problema, nagpatigayon it psycho-social support ukon psychological first aid sa mga unga sa unang domingo it pormal nga pagbukas it limited face to face classes.
Ginpasugtan anay suno kana ro mga ginikanan nga magpabilin sa waiting area agud nga engkaso nga kinahangeanon ro andang presensiya hay madali sanda nga matawag para sa andang mga unga.
Sa pangkabilugan hay naging maayos ro andang school opening ag owa it anuman nga nailistang mabahoe nga problema bangud sa hugut nga preparasyon it Deped .
