-- ADVERTISEMENT --
Aminado si Aklan Electric Cooperative ukon Akelco general manager Ariel Gepty nga may mga negatibong komento kontra kanda ro mga konsumidor nga ginapaagi sa social media eabi eon kon may mga sunod-sunod nga power interruption nga nagatuhaw.
Apang, uwa sigon nagaeain ro andang boot ag okay eamang kanda raya pero dapat man suno kana nga intindihon it publiko ro sitwasyon it ahensya bilang distribution utilities.
Sa makaron suno kana hay may una sanda nga 90 personnel ag ginatunga-tunga ro duty it mga raya kon siin makit-an gid ro discrepancy bangud nga tawo manlang man sanda ag inde eagi makit-an ro deperensya sa linya rason nga kon amat hay nagadaeagan pa it mahabang minutos antes nga maibalik ro power supply.
