Nagpatigayun it hub-eag protesta ro mga nurses sa estado it New South Whales para ipaabot sa gobyerno ro andang sentimiyento.
Suno kay Bombo International Correspondent Mr. Denmark Suede, sangka registered nurse sa Sydney, Australia nga gusto it mga healthcare workers nga pataasan ro andang sweldo.
Ginapahayag nga naga-abot sa 6 percent ro presenteng inflation it Australia rason nga ro ginapangayo it Union hay 7 percent nga pay increase.
Bukon sigon it sobra ro andang ginapangayo bangud ko 2020 hay owa sanda nakaangkon it pay increase.
Mag-euwas sa mga nurses, nagpatigayun man it rally ro mga bus ag train driver.
Gusto sigon it mga raya nga pataasan man ro andang sweldo kamana ma nga ipanawagan ro paggamit it locally manufactured bus bangud 70 porsyento it train sa Sydney hay gin-import sa Korea
