Pagaeauman sa hin-aga nga adlaw it Martes ro panibag-ong bugso it bawas-presyo sa produktong petrolyo.
Base sa oil industry source, magahampang sa ₱1.50 hasta ₱2.00 ro ginaeauman nga magabawas sa kada litro it diesel samtang maga-abot man sa 20 hasta 60 sentimos ro bawas sa kada litro it gasolina.
Suno man sa pagtantiya ni Department of Energy – Oil Industry Management Bureau (DOE-OIMB) director Rino Abad, masobra sa piso ro posibleng bawas sa kada litro it diesel ag kerosene, samtang mas manaba sa piso man ro buhin sa posibleng presyo it gasolina.
Dugang pa ni Abad, kun owa naghina ro kantidad it piso kontra dolyar hay mas mabahoe kunta ro rollback sa masunod nga domingo.
Base sa ulihing datos it DOE, nagtaas eon it ₱16.95 ro kada litro it gasolina makaron nga dag-on, ₱36.25 man sa diesel ag ₱31.60 para sa kerosene.
