Ginaduso sa makaron it Senador nga si Robin Padilla ro sagna nga hagna nga pagahimuon ro kada Pebrero 1 nga National Hijab Day.
Suno kay Jamal Isidro, sangka Islamic preacher nga ro kung matigayon nga mapasa ro nasambit nga hagna ag maging selebrasyon kada dag-on hay mabahoe nga kasae-anan sa andang relihiyon.
Ginklaro man ni Jamal nga ro selebrasyon sa Islam hay daywa eamang kung siin raya ro Edl ftr ag Edl adha ag indi eon dapat nga pagadugangan pa.
Hugot sigon nga ginapatuman sa andang relihiyon ro pagsunod eamang kung alin ro nakasueat sa anda nga Quran.
Owa sigon it pamatuod nga ro Hijab day hay nakasueat sa Quran rason nga owa raya it basehan para igaselebrar ukon pagasambahon.
Nasayuran nga ro katuyuan it pagselebrar it Hijab day hay ro pagtao it pagkilaea sa mga kababayenhan nga muslim nga padayon nga nagasuksok kara ag pagpabilin it kadesintehan sa andang pagkatawo
