Nagpadumdum ro Department of Trade and Industry (DTI) sa publiko nga i-block eagi ro numero it scammer nga nagapangloko gamit ro text message ukon tawag sa telepono nga kunwari hay nagdaog ka sa sangka raffle ukon makabaton it regalo.
Kaeakip sa modus it mga scammer hay ro kunwaring pagkadaog it biktima it mabahie nga kantidad sa sa raffle pero antes maboue ro premyo hay dapat itao anay ro kompletong pangaean, address it baeay ag iba pang importanteng impormasyon.
Ginpahayag it taeatapan nga engkaso makabaton it mga makarang text ukon tawag, indi eon dapat pag pansinon eabi eon gid kung owa man it gin-intrahan nga raffle.
Mag-euwas sa pag-block sa numero, ginalaygayan ro publiko nga magsugid sa Philippine National Police Anti- Cybercrime Group sa numerong 0998 598 8116.
