-- ADVERTISEMENT --
Patay ro limang sundado it Syria matapos ro airstrike it Israel sa Damascus International Airport.
Suno sa ministry of defense , na-intercept it Syrian air defense ro pag-atake ag napatigayon nga mabaeabagan ro kaabuan sa mga missiles maghalin sa Israel.
Sa makaron, owa pa it kumpirmasyon kung naapektuhan ro operasyon it ginakabig nga busiest airport sa nasambit nga nasyon.
Samtang, nauna eon kara ro mas hugot nga paglunsar it Israel it airstrikes sa paeuparan it Syria para matapna ro paggamit it Iran government it aerial supply lines para magpadaea it mga armas sa kaalyado kara nga Syria ag Lebanon kaeakip ro Hezbollah nga sangka militanteng grupo ag Lebanese Shia Islamist political party.
