Pasado eon sa Kamara sa ikatlo ag pinal nga pagbasa ro SIM ukon Subscriber Identity Module Card Registration Bill.
Medyu maga-isot eon ro kalibutan it sindikatong eakot sa text scam.
Raya ro katuyuan it naaprubahang House Bill No. 14 ukon proposisyon nga SIM Card Registration, nga matapna ro nagakalhit nga text scam ag iba pang illegal nga aktibidades kun sa siin gamit ro mobile phones.
Engkaso nga eubusan nga maging laye, paga obligahon ro SIM card subscriber nga irehistro ro andang prepaid ukon postpaid SIM.
Sa makarondaya nga pamaagi hay madali nga mausoy ro mga kawatan nga may nagkaeain-eain nga modus gamit ro mobile phones.
Maskin ro mga SIM cards nga natigayon eon nga mabaligya ukon na-isyu ag ginagamit eon hay kaibahan gihapon sa iga-rehistro .
Tiempo eon sigon agud nga maging eubus nga laye ro SIM card registration bill.
Owa nagapundo ro mga kawatan nga eakot kara ag naga-level up eon .
Maka-alarma ro makarondaya nga hitabu ag hugut nga pag-aksyon ro kinahangean agud nga raya hay masuk-ean.
Mabahoe ro maibulig it SIM card registration .
Kon dati hay messages eang ro kaeabanan nga nababaton kumbaga random , apang makaron hay sayud eon ro pangaean it ginapadaehan .
Sa makaron samtang bukon pa it laye, kapareho it dati , kinahangean ro pagdahan agud nga indi mabiktima .
