-- ADVERTISEMENT --
Gintaasan pa it Asian Development Bank (ADB) ro forecast para sa inflation it Pilipinas makaron nga dag-on.
Sa tunga raya it pagtaas it presyo it enerhiya, mga baeak-eon ag serbisyo.
Base sa Outlook 2022 report nga ginpagguwa kahapon, ginaeauman it ADB nga magadasig sa 5.3% ro inflation it Pilipinas makaron nga 2022, mas mataas kumpara sa 4.9% ko Hulyo ag 4.2% ko Abril.
Sangkiri man nga nagnaba ro revised inflation forecast it ADB kumpara sa 5.4% it Bangko Sentral ng Pilipinas (BSP) ag mataas it 2 hasta 4% makaron nga dag-on.
Samtang, ginaeauman it ADB nga magiging mabahoe ro epekto it mga nagtaliwan nga bagyo ag shortage sa suplay it agrikultura sa pagtaas it presyo it baeak-eon.
-- ADVERTISEMENT --
