Nagapati si Sen. Ronald Bato dela Rosa nga pagagamiton it Communist Party of the Philippines -New People’s Army ro pagbalik it face-to-face classes para mag-recruit it mga estudiyante.
Ginpahayag ni Sen. Dela Rosa ro pagpaandam kasunod it desisyon it Manila Regional Trial Court nga ibasura ro petisyon it Department of Justice nga ideklarang terrorist group ro CPP-NPA.
Suno pa kay Dela Rosa, tag kasagsagan it COVID-19 ag online ukon modular eamang ro klase, owa it ma-recruit ro mga rebelde apang sa makaron nga face-to-faceeon uman, mabahoe eoman sigon ro tsansa nandang makapangrecruit nga magaeakip sa andang grupo.
Samtang, pagpadahan man it senador sa mga pamatan-on nga kung may mga paeanawon nga indi pag-ipasugid, magduda eon dapat sanda bangud basi pagadaehon eon sanda sa bukid para sa immersion ag CPP-NPA eon gali ro andang kaatubang.
