Gintalakay sa ika-siyam nga cabinet meeting sa Malacañan ro mga tikang angot sa padayon nga economic tranformation agenda it Marcos administration.
Suno kay Press Secretary Trixie Cruz – Angeles, kaibahan kara ro mga igapatuman nga tikang para masiguro ro compliance sa standards of training certification and watch keeping (STCW).
Suno sa sekretarya , gintalakay man it Department of Labor and Employment (DOLE), Technical Education and Skills Development Authority (TESDA), ag CHED ro mga tikang para sa pag-upgrade sa ikasarang it workforce it nasyon.
Raya hay kaparte sa gihapon sa economic transformation program it pangueo, eabi eon ag kaibahan ro education aspect, vocational skills training, ag pagpaeawig it abilidad it mga empleyado it nasyon sa economic transformation nga ginaduso it gobyerno.
Samtang, owa man gintalakay sa pueong angot sa paghina it haega it piso kontra dolyar.
Apang, pagpasiguro ni Secretary Angeles nga magapabilin nga naka-monitor ro pangueo ag ro economic team para sa nasambit nga isyu.
