Nagtaas man it haeos doble ro sukot sa kuryente sa pilang probinsya.
Sa buean it setyembre, haeos P21 pesos eon ro dugang nga sukot sa kada kilowatt hour it mga electric cooperative nga Mopreco sa Cordillera Administrative Region ag Bileco sa Eastern Visayas.
Haeos P20 pesos man sa Samelco 2; Soleco ag Dorelco sa Eastern Visayas nga puro pinaka-mahae sa mga kooperatiba.
Aminado man ro grupo it mga Electric Cooperative nga Philippine Rural Electric Cooperatives Association Incorporated (Philreca) nga bukon nanda it kontrolado ro mga nasambit nga “rate”.
Suno kay Philreca Executive Director Janeene Colingan nga ginpasa kanda it mga power generation company ro nasambit nga mga rate.
Gin-aku man ni Emmanuel Jueza, administrator it National Electrification Administration nga owa it mahimo sa makaron kundi nga magtipid sa paggamit it kuryente.
Samtang, nagapahaum eon si Energy Regulatory Commission Chairperson Monalisa Dimalanta it action plan kaibahan ro Department of Energy ag iba pang mga ahensya agud nga masolusyonan ro pagsirit it sukot sa kuryente.
