Kada dag-on hay masobra sa 20 nga bagyo ro nagasueod sa nasyon ag kaabuan sa mga raya hay mabaskog ag makahaealit.
Maabu nga baeay ro nagakaguba ag maabu man ro nagakamatay.
Mag-eowas sa bagyo, grabe man ro naexperiensiyahan nga pagbaha rason nga gina-evacuate ro mga tawo.
Naga-igo man ro mabaskog nga linog ag iba pang kalamidad.
Kaeabanan eon nga scenario nga kon may mga paeag it mabaskog nga bagyo ukon mga pagbaha, nagapatigayon eon it preemptive evacuations ro LGUs sa mga residente nga maeapit sa suba.
Antes pa nga tumama ro bagyo, na-evacuate eon ro tanan nga mga tawo.
Ro problema, dueutdutan sa gindaehan kanda nga evacuations centers.
Haeos magbaeayluhan it itsura sa kaisot it evacuation centers.
Kaeabanan nga ginagamit nga evacuation centers hay mga eskuwelahan ag mga covered court sa mga barangay.
Ro problema eang, mga unga ro owa it magamit nga classroom bangud ginagamit it evacuees.
Nagabuhay it sang domingo sa evacuation centers ro mga biktima it bagyo, baha ukon linog.
Eubus nga kinahangean ro evacuation centers bangud ro nasyon hay pirme nga ginadaeasa it kun anu-anong kalamidad ag kinahangean nga i-evacuate ro mga tawo.
Kada dag-on hay makarondaya ro nagakatabu rason nga tiempo eon agud nga magpatindog it permanenteng evacuation centers.
Umpisa pa nga tumama ro Bagyong Yolanda ko 2013, maabu eon ro nagsuhestiyon nga magpatindog it evacuation centers.
Apang masobra sa napueong dag-on eon ro nagtaliwan, owa sa gihapon it ginapatindog nga evacuation centers.
Ro nagakatabu, bahala eon si Batman kon una eon ro bagyo ag iba pang kalamidad.
Sa ulihi lang paga problemahon kon maeapit eon ro bagyo.
Ginpahayag mismo it Department of Social Welfare and Development (DSWD) nga dapat eon nga magpatindog it permanenteng evacuation centers sa nagkaeain-eain nga lugar sa nasyon.
Ginpaabot eon raya it DSWD kay President Ferdinand Marcos Jr.
Kabay nga mataw-an it katumanan ro nasambit nga plano agud nga makaangkon it kaayusan sa tiempo nga gina-evacuate ro mga tawong apektado it bagyo ag iba pang kalamidad.
