Magatao it dugang nga 530 million dollars ro World Bank bilang suporta sa Ukraine.
Bangud kara, bumunae eon sa kapin 13 billion dollars ro assistance nga natuugyan it bangko umpisa it pagsukob it Russia.
Ro nasambit nga ayuda hay maghalin sa United Kingdom nga 500 million dollars ag 30 million dollars man maghalin sa Kingdom of Denmark.
Ginpahayag pa it bangko nga ro total aid nga nabaton it Ukraine hay 13 billion dollars kung siin ro 11 billion dollars hay fully disbursed.
Samtang, nauna eon nga ginpahayag ni World Bank Regional Country Director for Eastern Europe Arup Banerji nga ro pinaka-ulihing analysis it World Bank hay may kabilugang pangmabuhayan nga gastos it uman nga pagpatindog ag pagbawi sa Ukraine sa masunod nga tatlong dag-on sa masobra sa $100 bilyon.
